Gonfłar

Verb de la prima coniugacion. — Anca Głonfar.

|| 1. Empłenir cond aira un vergot de material mòll e elàstic.

|| 2. Dilatar a travers de la respiracion.

|| 3. Far diventar płu grand un quałcòss, engigantir-l.

Etimologia:
Del latin conflare, "sofłar per dar-g fòrça a li fłame del fœg".

Prononça:

· Occidental: AFI [ɡoɱˈfja], [ɡuɱˈfja] ¹

· Oriental: AFI [ʤoɱˈfa], [ʤuɱˈfa] ¹

· Meridional: AFI [koɱˈfja], [ʧuɱˈfa] ¹

· Nòrd-Oriental: AFI [ʤoɱˈfaɾ], [ʤuɱˈfaɾ], [koɱˈfla] ¹

· noarés: AFI [ɡuɱˈfjɛ] ¹

· poscłavin: AFI [ɡuɱˈfla] ¹

· bergamasc, bagòss: AFI [ʤuːˈfa] ¹

¹ colloqüialment e en quasi tut el territòri, la s'è desvilupada la forma prostètica cond una S- inicial prononçada [s], [z], [ʒ] o [iʃ] a segonda del dialet. L'è important sotaliniar que la forma sgonfłar e sgłonfar la pœl sembrar la negacion de sè medema (su l'imagen de "sgonfiare" italian), ma en realtà en lengua lombarda el contrari de sgonfłar e donca de gonfłar l'è desgonfłar.

Coniugacion standardizada:

· Present — Mi gonfłi o gonfło, Ti te gónfłet o gonfłes, Lu el gonfła, No. gonfłom o gonfłem o gonfła, Vo. gonfłev o gonfłiv, Lor i gonfła o gonfłen.

· Passad — Mi gonfłavi o gonfłava, Ti te gonfłàvet o gonfłaves, Lu el gonfłava, No. gonfłàvom o gonfłàvem o gonfłava, Vo. gonfłàvov o gonfłàvev, Lor i gonfłava o gonfłaven.

· Futur — Mi gonfłarò o gonfłaré, Ti te gonfłaret o gonfłaràs, Lu el gonfłarà, No. gonfłarom o gonfłarem o gonfłarà, Vo. gonfłarev o gonfłariv, Lor i gonfłarà o gonfłaran.

· Sojontiv present — Mi gonfłi o gonfła, Ti te gónfłet o gonfłes, Lu el gonfłi o gonfła, No. gonfłom o gonfłem o gonfłi o gonfła, Vo. gonfłev o gonfłiv, Lor i gonfłi o gonfła o gonfłen.

· Sojontiv passad — Mi gonfłass o gonfłassi, Ti te gonfłàsset o gonfłasses, Lu el gonfłass, No. gonfłàssom o gonfłàssem o gonfłass, Vo. gonfłàssov o gonfłàssev, Lor i gonfłass o gonfłassen.

· Condicional -ria — Mi gonfłaria, Ti te gonfłaríet o gonfłaries, Lu el gonfłaria, No. gonfłaríom o gonfłaríem o gonfłaria, Vo. gonfłaríov o gonfłaríev, Lor i gonfłaria o gonfłarien.

· Condicional -ress — Mi gonfłaress o gonfłaressi, Ti te gonfłarèsset o gonfłaresses, Lu el gonfłaress, No. gonfłarèssom o gonfłarèssem o gonfłaress, Vo. gonfłarèssov o gonfłarèssev, Lor i gonfłaress o gonfłaressen.

· Condicional -rav — Mi gonfłarav o gonfłaravi o gonfłarava, Ti te gonfłaràvet, Lu el gonfłarav, No. gonfłaràvom o gonfłaràvem o gonfłarav, Vo. gonfłaràvov o gonfłaràvev, Lor i gonfłarav o gonfłaraven.

· Participi — gonfład, gonfłada, gonfłaîd, gonfłade.

· Gerundi — gonfłand.

· Infinitiv — gonfłar.

Variaînt gràfique stòrique:

Gonfià, Gunfià, Gionfà, Giunfà, Sgonfià, Sgunfià, Sgionfà, Sgiunfà, Confià, Cionfà.

Sinònim:

Infłar.

Traducion:

Italian: Gonfiare; Occitan: Conflar; Catalan: Inflar; Francés: Gonfler; Castilhan: Inflar; Portugués: Inflar; Rumén: Umfla; Inglés: Inflate.