Scròça

S.F. — Anca Cròça o Scròçola. — Dialetalment Scròçol.
|| 1. Baston doperad per sostegnir còse, per antonomàsia oget ortopédic doperad per aidar end la deambulacion de li persone.
|| 2. Arnés a forma triangolar doperad per tegnir tacaîd via î vestîd end l'armari. L'è anca cłamad homin.

Etimologia:
Dal germànic krukkja, medem significad.

Pronóncia:
· Occidental: AFI [ˈʃkɾɔʃa], [ˈkɾɔʃa], [ˈʃkɾɔʃula]
· Oriental: AFI [ˈskɾɔsa], [ˈkɾɔsa], [ˈskɾɔsula]
· Meridional: AFI [ˈskɾɔsla], [ˈkɾɔsla], [ˈskɾɔsulɛ]
· Setentrional: AFI [ˈskɾɔʃula]
· novarés: AFI [ˈskɾɔʧula]
· texinés: AFI [ˈʃkɾɔtsa]
· milanés: AFI [ˈskɔɾsula], [ˈskɔsula]
· lodexan: AFI [skaˈɾɔsula]
· bergagłòt: AFI [ˈkɾɔʧa]
· poscłavin: AFI [ˈkɾɔʃa]
· bergamasc: AFI [ˈskalsola], [ˈhkaɾsula], [ˈhkaɾkola]

· Piemonteis: AFI [ˈkɾɔsɑ], [ˈkɾɔʃɑ], [ˈkɾɔʧɑ].
· Lígur: AFI [ˈskɾɔswa], [ˈʃkɾɔswa], [ˈʃkɾɔtswa].
· Emilian (płaxentin): AFI [ˈskɾœslɑ]; [ˈskɾɔsɛɾ], [ˈskɾɔsɛl] (mascolin).

Gèner e númer:
Femenin plural: Scròce, Cròce, Scròçole.
Mascolin singolar: Scròçol (Scròcel).
Mascolin plural: Scròçoîl (Scròceîl).

Variaînt gràfiqe stòriqe:
Scròscia, Scròsciola, Cròscia, Cròzza, Scròzza, Cròccia, Cròssa, Scròsoa, Scròser, Scròsel.

Sinònim:
Ferla, Stampella.

Traducion:
Italian: Gruccia, Stampella; Occitan: Cajada; Catalan: Crossa; Francés: Béquille; Castigłan: Muleta; Galician: Muleta; Portugués: Muleta; Asturian: Muleta; Rumén: Cârjă; Inglés: Crutch.